இக்கரையில் இருக்கும் பச்சைதான் அக்கரையிலும் எக்கரையிலும் இருக்கும் - நீ உன்மீது அக்கறையில் இருந்தால்...

புலம்பல் கோபிரமணன்

என் புலம்பல் – கோபி ரமணன்

எப்படி பிறந்தேனோ !

எப்படி வளர்ந்தேனோ !

அப்படியே நான் இருக்க வரம் நீ தர வேண்டும்

மாமிசம் விரும்பி உண்பேன்

மற்றவர் வீட்டில் தண்ணீர் உண்பேன்

மாற்றான் என பார்பேனோ !

மனம் கலந்து உன்னை துதிக்க

மந்திரங்கள் நான் படிக்க

மாற்றான் தாயாய் உன்னை பார்க்க

மடையனுகள் போட்ட சட்டம் நான் உடைக்க

மாதா நீ சொல்லு ?

மாமிசம் உண்டால்

மாற்றான் தோள் சேர்ந்தால்

மனுஷன் போட்ட சட்டம் – என்னை என்ன செய்யும் ?

மாதா நீ என்னுள் இருக்கையில்

மனுஷன் போட்ட சட்டம் – என்னை என்ன செய்யும் ?

என் புலம்பல் – கோபி ரமணன்

ஐந்தில் மூன்று போனால் இரண்டு

அதில் ஒன்றுமட்டும் மூன்றுடன் புரண்டு

நான்காய் எட்டாய் திரிந்து பிரிந்து

ஒன்றாய் ஒன்றுடன் மட்டும் கூடியதால்

ஒன்றும் ஒன்றும் ரெண்டாயாகாமல்

ஒன்றாய் போகுமே.

என் புலம்பல் – கோபி ரமணன்

ஐந்து வழிகளுண்டு வீடு செல்ல

ஐந்து வழிகளிலும் செல்வதும் சிரமம்

ஐயனே இவ்வழிகள் ஐந்தும் ஓர் வழியாக – நான்

ஐயன் உன் திருவடி பணிந்தால்

ஐயன் நான் வீடு செல்ல ஒரு வழி வருமென

ஐயமின்றி தெளிந்ததும் ஐயமில்லை .